Двајца високо рангирани генерали на иранските вооружени сили, заменици-началници на Генералштабот, се убиени во израелските напади врз Техеран, пренесоа светстките медиуми повикувајќи се на иранската државна телевизија.

Не се сопштени детали за убиството на генералите, но новинската агенција Тасним објави видео на кое се гледа пожар на меѓународниот аеродром Мехрабад во Техеран, каде што има хангари за воени авиони, а кои биле цели на израелските напади.

Иранските медиуми објавија и дека во нападите на Израел врз Техеран била погодена станбена зграда, при што загинале 60 луѓе, меѓу кои и 20 деца.

Во меѓувреме, Иран потврди и дека нуклеарниот објект Фордоу претрпел ограничена штета од нападите, но оти нема опасност од радијација.

ВИДЕО: Иран утрово започна нов напад со ракети, сирените повторно ечат низ Израел