Портпаролот на Министерството за здравство на Хутите во Јемен денес објави дека четири лица се убиени во израелскиот напад, а 67 се ранети, што го зголеми претходниот број на жртви.

Во нападот, израелските воздухопловни сили ги таргетираа јеменската претседателска палата, објект на нафтена компанија и електрана, објави Ал Џезира.

Израелските одбранбени сили (ИДФ) претходно соопштија дека нападот погодил воен комплекс во кој се наоѓаат јеменската претседателска палата, складиште за гориво и две електрани, како одмазда за нападите со ракети и беспилотни летала на Хутите врз Израел.