15-годишен тинејџер, кој наводно целосно се идентификувал со неонацистичката идеологија, е уапсен денеска во градот Болцано, во регионот Алто Адиџе во североисточна Италија.

Според италијанските власти, 15-годишникот бил подготвен да изврши убиствен напад врз бездомник надвор од спортскиот објект во областа, а потоа да го пренесе својот криминален чин на „темната мрежа“. Според италијанските медиуми, обвинителството запленило материјал на уапсениот кој се однесува на неонацистички и сатанистички групи.

Обвиненијата покренати против него вклучуваат учество во организација насочена кон терористичка акција, производство на експлозивни направи, нелегално поседување оружје, поседување и ширење детска порнографија. Тинејџерот наводно бил член на меѓународна неонацистичка група. При рација во неговата резиденција биле запленети два компјутера, како и една секира.

Членовите на предметната неонацистичка група, наводно, се согласиле да организираат „недела на терор“. Односно, убивање на мигрант или бездомник, а потоа да го објават релевантно видео на „темната мрежа“.

„Овој случај предизвикува огромна загриженост и вознемиреност и поради возраста на уапсениот, и во врска со неговите меѓународни контакти – од терористичка природа – и неговите цели“, рече директорот на полицијата во Болзано, Паоло Сартори.