Седуммина членови на италијанска мафијашка организација Ндрангета се осудени на вкупно 125 години затвор. Тие, според судот, се инфилтрирале во градските совети на Анцио и Нетуно, во регионот Лацио, во кој се наоѓа главниот град на Италија, Рим.

Според агенцијата АНСА, шефот на калабриската мафија, Џакомо Мадафари, доби 28 години затвор, додека неговиот заменик, Давиде Пероначе, е осуден на 20 години, пренесе агенцијата Анса.

Двата градски совета на овие приморски градови, познати по битките во Втората светска војна, беа распуштени поради мафијашката инфилтрација.

Ндрангета е најбогатата италијанска мафија благодарение на контрола над европската трговија со кокаин и важи за најмоќна и најопасна, надминувајќи ја сицилијанската Коза Ностра