Во општина Илинден во тек е изградба на здравствен дом, па жителите после речиси поволина век ќе добијат нов објект во кој ќе ги добиваат здравствените услуги.

Новиот здравствен дом ќе зафаќа бруто површина од околу 600 метри квадратни, ќе биде изграден на два ката, ќе има два влеза,преден и заден, две чекални, два шалтера, четири тоалети и 14 ординации. Во надворешниот дел ќе се обезбеди паркинг простор како и партерно и хортикултурно уредување – информираа од Илинден.

Увид во градежните работи направи градоначалникот Александар Георгиевски, кој изјави дека со изградбата на здравствениот дом на граѓаните ќе им се овозможи широк спектар на здравствени услуги во местото на живеење, со што повеќе не ќе мораат да патуваат по дваесеттина километри за да ги задоволат своите здравствени потреби.

Георгиевски додаде дека во новиот здравствен дом, покрај основната здравствена заштита, жотелите ќе можат да добијат и специјалистички здравствени услуги.