Во рускиот град Хабаровск е пронајден извор на радијација, прогласена е вонредна состојба.

Изворот на радијација како што пренесуваат руските медиуми бил на само 2,5 километри од куќи и станбени згради.

„Зголемување на природното позадинско зрачење е забележано во областа на улиците Суворов и Сидоренко во Хабаровск. На оваа локација е воведена вонредна состојба. Претпријатието за специјализирана фабрика Радон во Хабаровск организираше работа за утврдување на природата на изворот, неговото отстранување, транспорт и закопување“, пренесува ТАСС повикувајќи се на градската администрација.

На лице место е организирана радијациона контрола, мониторинг ќе се врши два дена. Како што е соопштено од надлежните забележано е зголемено зрачење.

„Местото на инцидентот се наоѓа на околу 2,5 километри од станбени згради. „Нема жртви или изложени на радијација. Здравјето на граѓаните не е во опасност“, пренесуваат руските медиуми.