Најмалку 17 Палестинци се убиени, а 69 ранети во израелските напади низ Газа во изминатите 24 часа, додека бројот на загинати од октомври 2023 година надмина 51.000, соопшти денеска Министерството за здравство на енклавата.

„Голем број жртви се под урнатините и на патиштата и до нив не можат да стигнат возилата на брзата помош и тимовите на Цивилната заштита“, се вели во соопштението објавено на Телеграм.

Новите податоци на Министерството покажуваат и дека откако Израел го прекрши примирјето на 18 март, 1.630 луѓе се убиени, а 4.302 се ранети.