Извозот на жестоки пијалаци од САД силно пораснал во 2023 година, соопшти здружението на производители, откако Европската унија ги суспендираше реципрочните царини од 25 отсто за американското виски, пишува Н1 Хрватска.

Укинувањето на тарифите во 2022 година го поттикна закрепнувањето на продажбата на американски жестоки пијалаци во Обединетото Кралство и ЕУ, кои се меѓу првите пет извозни пазари за таа категорија производи. Вкупниот извоз се зголеми за осум отсто на 2,2 милијарди долари, објави Американскиот совет за дестилирани пијалаци во средата.

Извозот на виски се зголеми за девет отсто, на 1,4 милијарди долари, со учество од 63 отсто во извозот на виски. Извозот на виски во ЕУ лани скокнал за 24,8 отсто, на 705 милиони долари.

Споредено со 2021 година е зголемен за 60,6 отсто, покажуваат податоците. Во 2018 година, ЕУ и Обединетото Кралство воведоа увозни тарифи за широк спектар на американски производи, вклучително и бурбонско виски, четири години откако САД воведоа царини од 25 отсто за челик и 10 отсто за алуминиум од ЕУ.

Трговскиот спор му наштети на американскиот извоз на виски и резултираше со губење на пазарниот удел за американските брендови на виски како Тенеси, Бурбон, Американ Рај и Американ Сингл Малт на група водечки извозни пазари. Британија ги укина царините во 2022 година.