Вишото државно обвинителство им одреди мерка тридневен притвор на 40-годишниот Златко Мараш од Зета и 65-годишниот Драган Перовиќ од Бар, кои беа уапсени во акција за откривање на најголемата плантажа со марихуана во Црна Гора со повеќе од 13.000 садници, пренесува Н1.

Вршителот на должноста директор на Полициската управа, Лазар Шчепановиќ, на прес-конференција изјави дека заплената вклучува марихуана во вредност до 10 милиони евра. Плантажата е откриена на локација во областа Црмница, а непристапниот терен бил погодна за лицата кои учествувале во овој потфат.

„Засадени се 13.000 садници, станува збор за избор на соодветно земјиште, систем за наводнување и водоснабдување, систем за снабдување со електрична енергија“, рече Шчепановиќ.

Тој објасни дека плантажите се на осум парцели и се во сопственост на 15 различни сопственици. Плантажата е откриена пред два дена, а јавноста беше информирана за тоа вчера. Се работи на идентификување на сите лица поврзани со плантажата со марихуана.

„Полициската управа работи на идентификување на сите лица поврзани со плантажата со марихуана кои придонеле за криминалните активности, преработката и подоцна планираната дистрибуција“, објави Шчепановиќ на прес-конференција.