Неверојатни 54 степени Целзиусови биле измерени попладнево на еден од мерачите во центарот на српскиот град Чачак за време на топлотниот бран кој го зафати цел регион, јавуваат локалните медиуми.

-Кога излегов од куќата, беше како да влегов во врела рерна. Да ви кажам вистината, се покајав и во овој момент се враќам дома. Секоја обврска може да почека да помине ова пеколно време – изјавил граѓанин за РИНА.

Она што ги охрабрува граѓаните е најавеното заладување што ќе пристигне во текот на вечерта и ќе трае, како што велат метеоролозите, во наредните денови. И температурите во Македонија повеќе од една седмица се над 40 степени и граѓаните со нетрпение го очекуваат падот на температурите.