Од СВР Скопје информираат дека денеска во периодот од 17:30 до 21:00 часот во центарот на градот ќе биде воведен посебен режим на сообраќај поради одржување на трка.

Трката ќе започне пред Основното училиште „Кочо Рацин“, а трасата ќе продолжи десно по улицата „Тодор Александров“, потоа по „Партенија Зографски“ и „Ацо Караманов“.

Единицата за безбедност на патниот сообраќај ќе преземе мерки за регулирање на сообраќајот, кој ќе биде пренасочуван по околните сообраќајници, велат од полицијата и апелираат до сите учесници во сообраќајот да ги почитуваат наредбите на полициските службеници со цел безбедно и непречено одвивање на настанот.