Таткото на петгодишното девојче кое пред два дена се удави во базен во населбата Злокуќани, заврши во болница. Таткото бил итно хоспитализиран откако ја разбрал веста за смртта на своето малечко, по што му се влошила здравствена состојба од стресот што го доживеал.

Според истражителите, немилиот настан се случил во средата околу 21.10 часот. Тогаш било пријавено дека во базен на угостителски објект во Скопје паднало петгодишно девојче, кое со возило на Итна  помош било пренесено во ургентниот центар при комплексот клиники „Мајка Тереза”. Детето починало вќера утро на скопските клиники.