Шеесет и четиригодишен Американец осуден на смрт за убиство на возач на камион, татко на седум деца во 1998 година, бил погубен со смртоносна инекција во четвртокот во Алабама, соопштија затворските власти во јужната американска држава.

Според соопштението, Кит Едмунд Гевин бил погубен со смртоносна инјекција и починал во 18:32 часот по локално време.

Гевин, кој се изјасни за невин, беше осуден за убиство на Вилијам Клејтон, 68-годишен возач на камион и татко на седум деца, додека вадел пари од банкомат за да оди на вечера со сопругата.

Во тоа време, Гевин беше на условна слобода откако отслужи 17-годишна затворска казна за претходно убиство во Илиноис.

Оваа година во Алабама се извршени уште две егзекуции, едната од нив со вдишување азот, што е првпат во светот. Оваа егзекуција наиде на силни критики, при што ОН го споредија со форма на „мачење“.

Претходно оваа недела, Врховниот суд на САД ја одложи планираната егзекуција на осуденик на смрт во Тексас, по жалбата на неговите адвокати.

Во 2023 година имало 24 егзекуции во САД, а досега годинава 10 егзекуции.

Смртната казна е укината во 23 од 50 држави.