Речиси 13.000 тони лажно сирење лани се произведени во Бугарија и продадени на пазарот, покажуваат податоците на Министерството за земјоделство и храна. Количината е поголема од онаа произведена во 2023 година, кога преработувачите продадоа 12.867 тони од имитираниот производ. Во 2024 година најголеми количини лажно сирење претпријатијата произведувале во јануари, март и август – по над 1200 тони. Според експертите, овој производ главно се продава во ресторани и слаткарници, каде што многу се користи во грицки.

Во продавниците, имитираниот производ мора да има посебна ознака и мора да биде спакуван. Сепак, производството на сирење од вистинско кравјо млеко без растителни адитиви се намалува, напиша Паритени.бг. Минатата година млекарниците произвеле нешто повеќе од 71.000 тони сирење од кравјо млеко, а во 2023 г – скоро 75,4 илјади тони. Сирењето од други млека е 10.620 тони во 2023 годинаа само 8.187 тони лани. Вкупно производство на млеко за 2024 година изнесува 691 милиони литри, од кои 97 отсто е кравјо млеко. Сериозно намалување е забележано во производството на путер и кајмак во однос на 2023 година, покажуваат податоците на Министерството за земјоделство, пренесува „Телеграф.бг“.