Leader of the Democratic Union for Integration (DUI), Ali Ahmeti arrives to vote in a referendum on the country's name change at a polling station in the village of Zajas, EPA-EFE/VALDRIN XHEMAJ

Внукот на Али Ахмети се повлече од „Тор индустрис“, фирмата има нови газди

Дрин Ахмети, внукот на лидерот на ДУИ Али Ахмети, кој беше основач и сопственик на „Тор индустрис“ до крајот на годинава ќе се повлече од раководната функција во компанијата.

Оваа информација преку соопштение до медиумите ја соопштија од „Тор индустрис“ објавувајќи дека компанијата има нови газди. Според соопштението, новите сопственик е американската компанија „Тексас американ интернешенал холдингс“.

„Дрин Ахмеди, извршниот директор кој беше на чело на компанијата како основач и сопственик на ’Тор индустрис‘ водејќи ја компанијата низ различни фази на раст и реструктуирање, ќе се повлече до крајот на годината. Оваа одлука доаѓа како дел од планот за транзиција на стратешкото лидерство, кој обезбедува непречено и ефективно пренесување на одговорностите на новиот менаџерски тим назначен од ’Американ интернешенал холдингс‘ во Тексас“, пишува во соопштението од „Тор индустрис“.

Како дел од договорот за стекнување, „Тор индустрис“ ќе ги поседува сите средства кои претходно биле во сопственост на Ахмеди, обезбедувајќи континуитет и стабилност за работењето на компанијата и нејзината посветена работна сила, се додава во соопштението.

„Под визионерското раководство на Дрин Ахмеди, ‘Тор индустрис’ неодамна претрпе значаен процес на реструктуирање. Овој клучен потег не само што ги рационализираше операциите, туку и ја позиционира компанија за посветла иднина, подготвена да користи нови можности под покровителство на ‘Тексас американ интернешнал холдингс’. Интеграцијата на ‘Тор индустрис’ во ‘Тексас американ интернешнал холдингс’ портфолиото претставува хармонично усогласување на вредностите и стратешките цели на компаниите. Се отвораат нови патишта за иновации, проширување на пазарот и подобрени понуди на услуги за нашите ценети клиенти. Двата ентитета се посветени на беспрекорна транзиција, давајќи им приоритет на интересите на вработените, клиентите и засегнатите страни“,

 

соопштија од „Тор индустрис“.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот