За владејачката ВМРО-ДПМНЕ, кандидатите за градоначалници на СДСМ се луѓе кои немаат рејтинг во своите општини, нарекувајќи ги луѓе на Зоран Заев, а дел од нив кои и претходно биле градоначалници дека кои ги опустошиле општините.

„Еден од таквите е и новиот кандидат за Струмица, Марјан Даскаловски кој е многу близок човек на Заев и работи за неговите интереси. Даскаловски е човек кој заедно со Заев бркале и исклучувале од струја цели ромски семејства ако не гласале за нив! Овие луѓе се синоним за неспособност, криминал и корупција.  Овие луѓе не се нови кадри, туку се стари и истрошени кандидати кои се верни на Заев и Филипче.  Овие луѓе не се иднината на општините. На локалните самоуправи им требаат чесни, работливи и искрени луѓе кои ќе работат за своите граѓани, а тоа не се овие кандидати на СДС“, се вели во партиското соопштение.