„Оваа Влада ја замени европската перспектива со националистичка хистерија“, рече вечерва во Крива Паланка пратеникот на СДСМ Љупчо Николовски.

-Наместо визија – ширење на омраза. Наместо отворени кластери и ЕУ грантови – нови долгови. Наместо неповратни средства од ИПА фондовите – кредити со камати. Наместо да сме како Албанија, која отвора кластери со ЕУ, нашата власт ги задолжи идните генерации со кредити од држави, а не од меѓународни институции. Ние бевме лидери во ИПАРД, тие сега ни ја укинуваат целата перспектива, рече Николовски.

Според него СДСМ „останува единствената државотворна партија, со визија и искуство да ја врати Македонија на вистинскиот пат“.