Ракометарките на Ѓорче Петров во недела ги очекува реваншот против тимот на Елче во четвртфиналето од Европскиот Куп.

Во првиот натпревар кој се играше минатата недела ракометарките на македонскиот тим не се покажаа во најдобро светло и во финишот дозволија да бидат убедливо поразени со 36:21.

Така во реваншот избраничките на Симе Симовски ќе имаат тешка задача за да го продолжат настапот во Европа. Сепак, желбата за победа кај девојките секако ќе биде присутна. Поради тоа клубот ги отвори вратите и влезот во салата во Автокоманда ќе биде бесплатен. Натпреварот се игра во терминот од 19:00 часот.

Македонија Ѓорче Петров сепак, веќе успеа да направи чекор понапред во однос на ланската сезона со пласманот помеѓу најдобрите осум екипи.