Сушењето облека во студените месеци може да биде тешко ако немате машина за сушење или сакате да заштедите на сметки. За среќа, експерт сподели врвни совети за сушење алишта во затворен простор.

За многу луѓе, сушењето алишта надвор е единствената опција поради ограничен простор или недостаток на машина за сушење.

Дури и ако имате машина за сушење алишта, таа е исклучително скапа за употреба, особено затоа што сметките за енергија постојано растат.

Иако не е невозможно да се сушат алиштата во затворени простории, постојат неколку начини како побрзо и поефикасно да се исушат, пишува „Нет.хр“ (Net.hr).

Како ефикасно да се исушат алиштата во затворен простор?

Даниел Незад, директор на „UK Radiators“, рече: „Проветрете го просторот. Во вашиот дом прозорците и вратите не треба да бидат цврсто затворени. Кога влажната облека ќе го исполни просторот, тоа ќе го навлажни воздухот во просторијата и ќе го оневозможи алиштата да се исушат навреме. Ако облеката е влажна, а и воздухот е влажен, не им давате шанса на алиштата да ја изгубат влагата“.

Потоа додаде: „Покрај тоа, може да предизвикате вистинска штета на вашиот дом со поттикнување на влага, па дури и мувла. Наместо тоа, отворете ги прозорците и пуштете го воздухот. Ова ќе овозможи влагата да избега и да спречи собата да стане премногу влажна“.

Дури и кога времето е студено, секогаш е добра идеја да го пуштите воздухот внатре. Меѓутоа, ако тоа не ви се допаѓа, експерт препорача апарат кој ја собира влагата од воздухот. Овие уреди станаа популарни со текот на годините и обезбедуваат вашиот дом да не стане премногу влажен. Тие можат да бидат совршени и за сушење алишта.

Протокот на воздух е најважниот фактор

Некои од оние на пазарот имаат дури и програма за перење алишта која има за цел да извлече уште повеќе влага од воздухот. Сепак, тие можат да бидат скапа инвестиција, така што попристапните опции вклучуваат едноставна решетка за сушење. Постојат многу различни достапни на пазарот, вклучувајќи широки со многу слоеви и простор за многу облека.

„Едноставната решетка за сушење е достапно и безбедно решение за сушење алишта. Откако ќе ги закачите алиштата на неа, поставете ја полицата безбедно, но во близина на радијатор и во најтоплата и најсувата просторија во куќата – генерално во некоја помала просторија, како мала спална соба во која има многу сончева светлина“, вели Даниел.

„Вклучете греење и оставете ја просторијата да се наполни со топлина, погрижете се да ја ротирате решетката за сушење одвреме-навреме. Ова ќе ја распредели топлината рамномерно околу целата облека, помагајќи да се исуши сè со исто темпо“, рече тој.