Репрезентативецот на Србија, Душан Влаховиќ ги помина прегледите во Торино кои открија дека одличниот напаѓач избегнал потешка повреда на задната ложа во натпреварот со Данска.

Голгетерот на Јувентус пропушти неколку добри прилики да се запише во листата на стрелци, а средбата на крајот заврши без голови. Во финишот од средбата Влаховиќ почувствува болки во задната ложа поради кои не го продолжи натпреварот.

„Поради проблеми со левиот бутен мускул, Влаховиќ денес помина дијагностички преглед. Тестот покажа дека нема повреда и неговата состојба ќе се следи на дневно ниво“, соопшти Јувентус.

Според најавите, Јувентус сепак нема да брзо со Влаховиќ и српскиот напаѓач ќе добие пауза од седум дена. Тоа значи дека Тијаго Мота ќе биде без него против Милан во Серија А и Астон Вила во Лигата на шампионите.