Познатиот кошаркар и поранешен НБА ас Владе Дивац доживеал сообраќајна несреќа на црногорскиот брег, јавуваат српските медиуми.

Според очевидци, Дивац паднал од својот мотоцикл во близина на местото Луштица. Како што јавува „Еуроњуз“, поради повредите, не можел да стане, па бил пренесен во болница. Засега нема официјални информации за степенот на повредите што ги здобил за време на несреќата.

Во последните години, Дивац често престојува во Црна Гора, а минатата година на одмор во Бока Которска, бил придружуван од еден од најдобрите кошаркари во историјата на НБА, Меџик Џонсон.