Вистинска зимска идила: Бајковити места кои мора да ги посетите барем еднаш во животот!
Кога доаѓа зимата и паѓа снег, овие места се претвораат во вистинска бајка
Туристичката посета на дворците станува сè попопуларна. Кога доаѓа зимата и паѓа снег, овие места се претвораат во вистинска бајка. Погледнете некои од нив.
Препорачано
Дворецот Елц се наоѓа во Германија, во близина на реката Мозел меѓу Кобленц и Трир. Елц е изграден во 12 век и неговиот средновековен изглед е уникатен бидејќи војните го заобиколиле. Колекцијата што може да се види во него се смета за една од најдобрите во Европа.
Лихтенштајнскиот дворец е изграден во 19 век во чест на средновековните витези на Лихтенштајн, на местото каде што имало замок од 12 век. Посетителите ги воодушевува камениот мост кој го спојува замокот на врвот на едната планина со другата планина.
Дворецот во Кохем е обновен во 1868 година откако Французите во 16 век целосно го уништиле. Првпат е спомнат уште во 1130 година. Овој дворец се наоѓа на ридот над реката Мозел, а во него се наоѓа богата колекција на ренесансен и барокен мебел.
Шверинскиот замок се наоѓа на езерскиот остров во Шверин, каде што стои веќе 11 векови. Прво бил дом на семејството Мекленбург, потоа факултет и музеј, а понекогаш служи за заседавање на собранието на сојузната држава на која и припаѓа.
