Крајно пијан жител на Виница синоќа возел со „Голф“ во Кочанско, при што изгубил контрола и се превртел со автомобилот, соопшти МВР. Тој е уапсен откако полицијата му измерила 2,88 промили алкохол во крвта.

„Денеска (14.06) во 00:06 часот полициски службеници од ОВР Кочани го лишија од слобода Д.Д.(42) од Виница, поради тоа што кај него биле измерени 2,88 промили алкохол во крвта, откако претходно на излезот од село Зрновци кон село Лески, кочанско, додека управувал патничко возило „Фолксваген голф“ без регистарски ознаки, изгубил контрола и се превртел на патот. Тој е исклучен од сообраќај, известен е надлежен ЈО, и по целосно документирање на случајот против него ќе биде поднесена пријава по член 297-а од Кривичниот законик – „безобѕирно управување со моторно возило“, пишува во полицискиот билтен.