Новото време ја буди креативноста кај родителите, давајќи им имиња кои се несекојдневни, специфични, уникатни. „Слободен печат“ направи анкета и ги праша граѓаните кое е најчудното име што го слушнале.

Граѓаните пред камерата на „Слободен печат“, кажаа доста необични имиња, а со вас споделуваме дел од нив.

– Најчудното име што го имам слушнато е Лимонка – рече една од анкетираните.

На дел од анкетираните, новите имиња им беа чудни, но на некои од нив токму новите и необични имиња им се допаѓаа.

– Сакам невообичаени имиња, како на пример Рашел – изјави една девојка.

Некои од нив пак, си сакаат традиционални имиња.

– Чудно ми е, на пример, кога ги именуваат децата со имиња како Вук, Ада или Ава. Тоа според мене се именца за кученца – кажа една повозрасна жена.