Последниве неколку години, постојаните промени на температурите, екстремните временски услови и природните катастрофи се сè почести. „Слободен печат“ ги праша граѓаните како климатските промени влијаат врз нивното здравје.

Најголем дел од анкетираните се согласија дека климатските промени имаат влијание врз нивното физичко и психичко здравје.

Некои од нив имаат проблеми како несоница, нерасположеност и други здравствени тегоби.

Една госпоѓа смета дека климатските промени се главна причина за нејзиното здравје, сепак призна дека тие се минливи.

– Имам повеќе други проблеми од климатските промени – вели таа.

Еден млад случаен минувач смета дека постарите луѓе се почувствителни на физички болки.

– Мене конкретно не, ама мислам дека на повозрасните повеќе им влијание времето – објаснува тој.

Како резултат на промените, страдаат и помладите генерации. Тие имаат проблеми со расположение, меланхолија, несоница…