Колку често граѓаните ги проверуваат роковите на траење на продуктите распоредени низ рафтовите во маркетите? Дали досега имале ситуација каде некој од производите што го купиле бил поткиселен или расипан? Дали граѓаните практикуваат да ги враќаат производите кои не се во добра состојба и какво било нивното искуство при тоа? „Слободен печат“ ги анкетираше граѓаните на оваа тема.

Според одговорите на граѓаните можеме да забележиме дека тие најчесто практикуваат да ги погледнат роковите на траење на производите.

– Ги проверувам роковите на производите и секогаш ги земам производите кои се повнатре на рафтот – изјави една повозрасна госпоѓа.

Еден од граѓаните за камерата на „Слободен печат“ го сподели своето искуство со враќање на производ во маркет кој не бил во добра состојба.

-Баш ова ми се случи пред околу еден месец. Реагирав, ги известив, навистина беа брзи, им укажав на грешките, на некој начин се извинија, се случува, можеби не е по нивна вина, но сепак и контролите, да речам, надлежните служби, треба да си го направат своето – изјави еден граѓанин.