Иако поминаа децении од емитувањето, серијата „Пријатели“ сè уште има култен статус и армија обожаватели, а доби нова популарност со нејзиното пристигнување на стриминг услугите.

Познатата актерка Зои Кравиц рече дека омилената ситком серија на фановите од минатото е нешто што би сакала да го задржи во минатото, пренесува „Дејли мејл“.

Зои моментално го промовира својот нов филм „Caught Stealing“, чие дејство се одвива во 1990-тите. За време на разговорот со колегата Остин Батлер за списанието „People“, тие се осврнаа на добрите и лошите страни од тој период.

„Навистина сум носталгична за тоа време“, рече Кравиц, потсетувајќи се на модата, музиката и атмосферата во Њујорк. Батлер, се согласи со неа и призна дека му недостига времето кога луѓето не биле постојано врзани за своите мобилни телефони.

Сепак, разговорот набрзо се сврте кон лошите страни на деведесеттите. Без многу размислување, Кравиц кажа што не ѝ се допаѓа од тој период.

„Супер хомофобични шеги на мејнстрим телевизија. Ако денес ја гледате серијата „Пријатели“, ќе помислите: Уф, ова е…“ рече актерката и направи пауза, не завршувајќи ја реченицата.

Батлер ја погледна изненадено, а таа додаде: „Има многу од такви моменти во „Пријатели“. Шеги што не требаше да бидат смешни на почетокот – излегоа смешни. Лудо е. Па можеби треба да останат во минатото.“

Интересно е што самите креатори на серијата се свесни за нејзините недостатоци. Уште во 2019 година, Марта Кауфман призна за „Ју-Ес-Еј Тудеј“ дека има работи што би ги променила денес.

„Секој пат кога гледам некоја епизода, има нешто што би сакала да можам да го сменам“, рече таа.

„Како, како ја оставивме таа шега таму? Или, навистина, таа приказна? Тоа е она што го направивме?“

Таа особено се осврна на прикажувањето на трансродовите лица.

„Не мислам дека имавме какво било знаење за трансродовите лица тогаш, па не сум сигурна дали ги користевме соодветните термини. Не знам ќе ги препознаев тие термини тогаш. Мислам дека тоа е најголемата работа“, заклучи Кауфман.