Порталот 24 часа, објави видео на кое како што пишува се гледа моментот на земјотресот, а случајно го снимал рибар на местото Врбник на Крк. На видеото се гледа како карпи по силниот земјотрес се уриваат во морето.

Инаку денеска околу 10:45 часот силен земјотрес го погоди Кварнерскиот регион Крк. EMSC го оцени со јачина од 5,5 степени според Рихтеровата скала, но Хрватската сеизмолошка служба набрзо објави дека земјотресот бил со јачина од 4,8 степени според Рихтеровата скала. Тресењето се почувствувало и во Бања Лука.

Епицентарот на земјотресот бил на длабочина од 10 километри.

Жителите на местата околу епицентарот известуваат дека потресот траел околу 10 секунди и дека бил доста силен.

Премиерот на Хрватска Андреј Пленковиќ изјави дека засега нема извештаи за сериозни штети од земјотресот.

Земјотрес со јачина од 5,2 степени ја погоди Хрватска