Селекторот на фудбалската репрезентација на Грција, Иван Јовановиќ, доживеа несекојдневна ситуација на прес-конференцијата која ја одржа по натпреварот со Данска во рамки на квалификациите за Светското првенство.

Додека српскиот стратег зборуваше пред новинарите,  земјотрес ја потресе просторијата и во еден момент сè почна да се тресе, а камерите забележаа како изненадениот Јовановиќ застанува и зачуден гледа околу себе.

Несекојдневната сцена брзо се прошири на социјалните мрежи, а иако земјотресот не предизвика поголеми последици, краткиот момент на паника стана вирален.