Оваа година Европскиот парламент усвои одлука годинава во Европа е посветена на младите. За младите и младинските политики разговаравме со пратеничката Моника Зајкова, координаторка на Клуб за младински прашања и политики.

-За младите постојано се зборува, но тоа се само флоскули како онаа дека иднината им припаѓа на младите. На младите им припаѓа и сегашноста. Во 2017 година е формиран Клуб за младински прашања и политики и младите се опфатени во политиките и стратегиите, но малку се прави. Клубот беше формиран како водилка за вклучување на младинскиот сектор при донесувањето на Законот за млади, вели Зајкова.

Таа потсетува дека Клубот помогна при решавањето на проблемот со државната матура. Младинските организации не се запознаени за работата на Клубот. Ние сме оние во Собранието кои вршат надзор дали се применува Законот за млади и реагираме кога ќе видиме дека се прекршува, вели Зајков. Таа додава дека Клубот може да лобира кај политичките чинители во полза на потребите на младите.

Клубот исто така организираше дебати за менталното здравје. Младински канцеларии има само во пет општини, а би требало да има во секоја општина.

Со Собранието Клубот се има обврзано дека ќе работи за младите, а не за партиите и за политички популизам, вели Зајкова и најавува дека како што има пратенички прашања така ќе има двапати годишно младински прашања т.е. младите на пленарна седница ќе поставуваат прашања до претставниците од институциите и до самите пратеници.

Проследете го целиот разговор во видеото