Фановите на Џастин Бибер повторно се загрижени откако вознемирувачко видео од пејачот на Коачела стана вирално на ТикТок во неделата.

Бибер на видеото бил без маица и изгледал дезориентиран, а додека танцувал други го држеле за да не падне. Поради неговото чудно однесување, многумина напишаа дека изгледа како да е под дејство на дрога.

@estilodf Justin Bieber divirtiéndose en la segunda semana de Coachella. 👀 CC: @markk4z #justin #justinbieber #justinbeiber #justinbieberfan #justinbieberedits #justinbieberofficial #justinbieberedit #justinbieberbaby #justinbiber #bieber #bieberfever #biebertiktok #biebers #belieber #beliebers #belieberforeverrr #belieberforever #beliebersforever #belieber💜 #coachella #coachella2025 ♬ som original – editjdrewbieber

„Тој се однесува како зависник“, „Тој е целосно скршен“, „Се надевам дека нема да заврши како Арон Картер“, „Мислам дека ова нема да заврши добро“ и „Хејли мора да е загрижена“, се дел од коментарите под видеото.

Инаку, истиот ден кога се појави видеото, неговата сопруга Хејли на Инстаграм објави фотографија со нивниот син.

Да потсетиме, Бибер во последните месеци постојано ги загрижува и шокира фановите со своето однесување. На почетокот на месецот на Инстаграм објави фотографија на која е без кошула, со вдлабнати очи и ослабен поглед додека пушта музика и се ниша, а фановите напишале дека му е потребна помош.

На почетокот на март, тој објави фотографии на кои се гледа како пуши од нешто што изгледа како бонг додека седи на електричен велосипед, а неодамна изјави дека има „проблеми со гневот“ и дека не се сака себеси кога чувствува дека станува „неавтентичен“.