Јанко Пенафорт, професионален музичар и пејач од Богота, Колумбија, повторно го привлече вниманието на македонската публика со својата нова изведба на песната „Македонско девојче“.

Иако нема никакво македонско потекло, татко му е Колумбиец, а мајка му Украинка, Јанко веќе неколку години пее на македонски и со многу љубов ги изведува нашите народни песни.

Овој пат, песната ја отпеа со придружба на традиционални јужноамерикански инструменти, што ѝ даде посебен шарм.

„Јас немам македонски корени, јас сум роден тука, во Богота. Мојот татко е роден тука во Богота, во Колумбија, а мојата мајка е од Украина. Сега сакам да ви ја отпеам една од најубавите македонски песни со моите традиционални јужноамерикански инструменти“, вели музичарот на почетокот од видеото.