Фудбалската репрезентација на Велс со 2:0 ја совлада Турција во второто коло од групата А на Евро 2020 и се наоѓа пред пласман во осминафиналето.
Со победата над Турција, Велс се искачи на првото место на табелата со четири бода, Италија која има натпревар е втора со три, Швајцарија има еден бод, додека Турција ги загуби шансите за нокаут фазата откако го доживеа и вториот пораз.

Предноста на Велс му ја донесе Арон Ремзи во 42 минута по асистенцијата на Герет Бејл. Конечниот резултат го постави Конор Робертс во финишот од натпреварот, а повторно во улога на асистент беше  Бејл кој во 61. минута не го реализираше пеналот кој беше направен токму над него.