Денвер стигна до нова победа во НБА-лигата и на домашен терен славеше против Торонто со 121:119, а одново најдобар поединец беше Никола Јокиќ.

Српскиот центар стигна до уште еден трипл-дабл од 28 поени, 14 скока и 13 асистенции. На спротивната страна најдобар беше Греди Дик со 26 постигнати поени.

Индивидуално одлична вечер имаше и Лука Дончиќ, но неговиот Далас претрпе пораз од Индијана. Дончиќ натпреварот го заврши со дабл-дабл од 34 поени, 15 асистенции и седум скока. Во победничкиот табор, Мајлс Тарнер запиша 30 поени.

ОСТАНАТИ РЕЗУЛТАТИ: Кливленд – Милвоки 116-114, Вашингтон – Голден стејт 112-125, Детроит – ЛА Лејкерс 115-103, Атланта – Бостон 93-123, Бруклин – Мемфис 106-104, Мајами – Сакраменто 110-111, Чикаго – Јута 126-135, Хјустон – Њујорк 109-97, Минесота – Шарлот 114-93, Оклахома – Орландо 102-86, Њу Орлеанс – Портланд 100-118, Феникс – Филаделфија 118-116 и ЛА Клиперс – Сан Антонио 113-104.