ВИДЕО | Украинците соборија руски хеликоптер Ми-8 со дрон од 500 долари
Украинските сили соборија руски хеликоптер Ми-8 користејќи беспилотно летало ФПВ дрон, објави на Телеграм Роберт Бровди, познат по прекарот „Унгарецот“, командант на силите за беспилотни системи на вооружените сили на Украина.
Препорачано
Според него, нападот го извршиле припадници на 1-виот баталјон за беспилотни системи на 59-та воздушно-десантна бригада.
Иако Бровди првично тврдеше дека е соборен напаѓачкиот хеликоптер Ми-28 „Хавок“, украинскиот активист Серхиј Стерненко нагласи дека станува збор за транспортен хеликоптер Ми-8 „Хип“ модифициран за лансирање ракети.
Објавените видеа покажуваат како избувнува пожар на хеликоптер по напад со беспилотно летало, а леталото неконтролирано се урива во поле. Падот го забележал рускиот напаѓачки хеликоптер Ка-52 „Хокум А“, кој кружел над остатоците.
Според проценките, типичен украински беспилотен авион „ФПВ“, кој се користи како евтина тактичка муниција или за напаѓање нисколетачки цели, чини помеѓу 400 и 500 долари. Вредноста на хеликоптерот Ми-8 се движи помеѓу 10 и 15 милиони долари, објавува „Киев пост“.
