Конзервативниот коментатор Чарли Кирк беше застрелан и убиен на 10 септември за време на негово предавање на Универзитетот Јута Вали. Настанот се одржуваше на отворено пред голема публика, а снимките од различни агли се проширија на социјалните мрежи.

Властите веруваат дека смртоносниот истрел бил испукан од покривот на Центарот Лоси, на околу 200 метри од местото каде што Кирк говорел. Неколку видеа на интернет, споделени и од контроверзниот Алекс Џонс, покажуваат фигура која се движи на покривот непосредно пред пукањето, пишуваат американските медиуми.

Осомничени приведени, па пуштени

Првично беа уапсени двајца осомничени, но по испрашувањето се ослободени бидејќи, според ФБИ, „немаат моментални врски“ со нападот.

VIDEO: Charlie Kirk’s Assassin Can Allegedly Be Seen On The Roof Of The Utah Valley University Running Away After Shooting Charlie In The Neck

PLUS, Speech Attendees Spot The Figure On The Roof Before The Event Even Begins

His Assassin Is Still At Large! pic.twitter.com/L5YZGkkkkT

— Alex Jones (@RealAlexJones) September 10, 2025

Директорот на ФБИ, Кеш Пател, изјави дека напаѓачот најверојатно дејствувал сам и дека истрагата продолжува. Иако јавноста бара брзи одговори, сторителот останува на слобода, што го зголемува чувството на несигурност и недоверба.

Политички реакции и национален шок

Веста за смртта на Кирк веднаш предизвика силни реакции во американската јавност. Претседателот Доналд Трамп на социјалните мрежи го нарече Кирк „легендарен“ и „човек кој најдобро ги разбираше младите во Америка“, изразувајќи сочувство до неговата сопруга и семејството.

Поранешниот претседател Џо Бајден, пак, порача дека „во Америка нема место за вакво насилство“ и повика на прекин на спиралата на политички мотивирани напади.

Смртта на Кирк ја отвори дебатата за растечкиот политички екстремизам и безбедноста на јавните личности во САД.