Полицијата во југозападен Пакистан уапси вкупно 14 осомничени за убиството на двојка која наводно имала вонбрачна врска. Меѓу уапсените е и локалниот племенски поглавар кој го нарачал убиството.

Убиствата, во покраината Белуџистан, го привлекоа вниманието на властите откако шокантно видео беше објавено на интернет на кое се гледаат напаѓачите како пукаат во жртвите.

Pakistan: A horrifying video from #Balochistan shows the honor killing of Zark and Sheetal, shot by an Islamic mob for marrying by choice.

Sheetal’s last words, “Only shooting is allowed,” expose our society’s brutality.

Are we complicit by staying silent?

Please REPOST pic.twitter.com/2PDPLrIB9y

— Faraz Pervaiz (@FarazPervaiz3) July 20, 2025

Човекот што ја застрелал и убил жената бил нејзин брат, кој дејствувал во име на семејството и племето, изјави началникот на покраинската полиција, Моазам Џах Ансари. Убиствата биле нарачани од племенскиот поглавар, Сер Баз Сатакзаи.

На прес-конференција, главниот министер на покраината, Сарфраз Бугти, рече дека Сатакзаи е уапсен.

„Ќе се погрижиме сите да бидат гонети“, додаде тој.

Не е јасно дали братот на жената е меѓу уапсените.

„Жртвите, кои беа обвинети за вонбрачни врски, имаа неколку деца од своите бракови“, рече Бугти. Полицијата првично веруваше дека биле убиени затоа што се венчале еден со друг и покрај противењата на нивните семејства.

„Никој нема право, од која било причина, да убие некого на толку болен, гнасен начин. Тоа е злосторство. Тоа е убиство“, рече Бугти.

На видеото се гледа како маж пука во жената од блиску и крвав маж како лежи на земја во близина на нејзиното тело. На последователните снимки, неколку мажи ги застрелуваат двајцата.

Локалниот суд нареди ексхумација на телата за обдукција.