ВИДЕО | Турција: Уапсени новинари и карикатуристи на списание кое објави карикатура на Мухамед
Објавувањето на карикатура на која наводно е прикажан пророкот Мухамед предизвика реакции во Турција.
Препорачано
Разбеснета толпа се собра пред канцелариите на списанието „Леман“ во Истанбул, а доцна синоќа беше објавено дека креаторот на карикатурата, главниот уредник на списанието и одговорнио уредник се уапсени, додека против уште три лица се распишани потерници. Самото списание негира дека карикатурата е за пророкот Мухамед. Бројот од 26 јуни на сатиричниот магазин содржи карикатура на која се прикажани Мухамед и Мојсеј како разменуваат поздрави над град на Блискиот Исток кој е бомбардиран.
🚨 #Leman dergisi Müessese Müdürü A.Y. gözaltına alındı.
— Mediant (@wemediant) June 30, 2025
Иако бројот на списанието беше објавен на 26 јуни, бројот доби на популарност вчера, понеделник, 30 јуни, на страниците на социјалните мрежи.
Стотици луѓе се собраа вечерта пред канцелариите на „Леман“ во областа Пера, каде што се молеа, извикуваа слогани, а некои ги нападнаа и просториите на списанието.
Leman Önündeyiz!#LemanDergisiKapatılsın pic.twitter.com/rstOKv1Bzl
— Büyük Doğu Akıncıları Gençlik Teşkilâtı (@bdagenclik) June 30, 2025
Турските власти, покрај апсењето на шесте лица одговорни за списанието, наредија повлекување на бројот и покренаа постапки за забрана на онлајн пристапот до контроверзната карикатура.
🔴 SON DAKİKA: Leman dergisinin Bakırköy’deki mekanına Müslüman gençler tarafından baskın yapıldı. Polis havaya ateş açarak müdahale etti pic.twitter.com/nh4t72Y3jR
— Daily Islamist (@dailyislamist) June 30, 2025
„Обвинителството во Истанбул започна судска истрага за кривичното дело „јавно навредување на религиозните вредности“ според член 216 од турскиот кривичен законик, во врска со објавувањето на карикатура на пророкот Мухамед во сатирично списание. Ниту една слобода не дава право да се сатиризираат светите предмети на една религија. Исмејувањето на нашиот пророк или каков било обид за негово визуелно претставување им штети не само на нашите религиозни вредности, туку и на општествениот мир. Потребните законски мерки ќе бидат преземени без одлагање против овој провокативен чин што ги занемарува верувањата на милиони муслимани“, соопшти обвинителството.
Peygamber Efendimizin (S.A.V) karikatürünü yaparak nifak tohumları ekmeye çalışanları bir kez daha lanetliyorum.
Bu alçak çizimi yapan D.P. adlı şahıs yakalanarak gözaltına alınmıştır.
Bir kez daha yineliyorum:
Bu hayasızlar hukuk önünde hesap verecektir. pic.twitter.com/7xYe94B65d— Ali Yerlikaya (@AliYerlikaya) June 30, 2025
Од своја страна, министерот за внатрешни работи Али Јерликаја изјави: „Остро ја осудувам непристојната карикатура на нашиот пророк. Она што се случи не е слобода на печатот. Она што се случи не е слобода на изразување. Ваквите дејствија што ги навредуваат нашите религиозни вредности и предизвикуваат длабоки рани во совеста на муслиманите се провокативни по природа и оние што се осмелуваат да ги извршат ќе бидат одговорни пред правдата“.
Hadsiz derginin grafikeri C.O. adlı şahıs da yakalanarak gözaltına alındı.
Sevgili Peygamberimize (S.A.V.) yönelik gerçekleştirilen bu alçaklık hukuk önünde hak ettiği cezayı görecektir. pic.twitter.com/deWsbRWPFi
— Ali Yerlikaya (@AliYerlikaya) June 30, 2025
Самото списание негира дека објавило карикатура на пророкот Мухамед и во соопштението забележува: „Најраспространетото име во светот и името со најголема популација е Мухамед, Мехмет, Мамаду (сите овие имиња ги даваат муслиманите за да го одржат живо името на нашиот пророк). Денес, има 200 милиони луѓе кои го носат името Мухамед. Создавачот на карикатурата сакал да ја нагласи правдата на угнетениот муслимански народ, осврнувајќи се на муслиман убиен од Израел, и немал намера да ги омаловажува религиозните вредности. Ние не ја прифаќаме стигмата што ни се припишува, бидејќи нема приказ на нашиот пророк. За да се толкува карикатурата на овој начин, мора да се имаат многу лоши намери. Има толку многу Мехмети и Мухамеди што ги познавате.“
Во соопштението се наведува и дека списанието Леман постојано го става прашањето за Палестина во преден план со пет специјални изданија и стотици насловни страници. „Изјавуваме дека немате право да ја доведувате во прашање нашата совест и верувања на погрешен и искривен начин“, се забележува во соопштението.
