Доналд Трамп Самит НАТО uijsen

ВИДЕО | Трамп во дијалог со украинска новинарка покажа загриженост: Поздрав до твојот сопруг, ракетите „Патриот“ тешко се добиваат

Американскиот претседател Доналд Трамп во средата размени зборови со украинска новинарка од Би-би-си која рече дека нејзиниот сопруг е војник, додека таа го прашуваше дали САД ќе ја снабдат Украина со системи за воздушна одбрана „Патриот“ во војната со Русија.

На прес-конференцијата на крајот од самитот на НАТО во Хаг, дописничката на Би-би-си Украина, Мирослава Пеца, го праша претседателот „дали САД се подготвени да продадат противвоздушни ракетни системи на Украина“. „Знаеме дека Русија многу силно ја напаѓа Украина во моментов“, додаде новинарката.

Пред да одговори на нејзиното прашање, Трамп ја праша: „Дали сега живеете во Украина?“

„Мојот сопруг е таму“, рече таа. „А јас, со децата, сум во Варшава (Полска). Затоа што тој го сакаше тоа.“

„Дали вашиот сопруг е војник?“, праша Трамп, на што Пеца одговори потврдно.

„Дали е таму сега?“, повторно праша претседателот, а новинарката повторно одговори потврдно.

Трамп потоа одговори: „Леле, тоа е тешка работа, нели? Тоа е тешка работа.“

Потоа Трамп потврди дека Киев сака да купи „Патриот“ од САД – и вети дека „ќе видиме дали можеме да добиеме“. „Знаете, многу е тешко да се добијат. И нам ни требаат“, продолжи претседателот. „Ги испорачуваме на Израел и тие се многу ефикасни – 100% ефикасни. Тешко е да се поверува колку се ефикасни. И тие ги сакаат повеќе од сè друго, како што веројатно знаете“.

„Тоа е многу добро прашање и ви посакувам многу среќа“, ѝ рече Трамп на новинарот, додавајќи: „Мислам, можам да разберам дека е многу вознемирувачко за вас. Поздравете го вашиот сопруг, во ред? Ви благодарам.“

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот