Во 29 коло од најсилното хрватско првенство фудбалерите на Хајдук Сплит и Локомотива ремизираа 1:1.

После првото полувреме водеа гостите со погодокот на Карачиќ во судиското надополнување (45+2`).

Домаќините успеаја да го избегнат поразот во самиот финиш од средбата поточно во 98 минута кога бод им донесе македонскиот репрезентативец Александар Трајковски по асистенцијата на Ливаја.

Ова е втор гол за Трајковски во 11 настап за Хајдук во хрватскиот шампионат. Нашиот напаѓач на дуелот против Локомотива настапи од 68 минута.

По овој бод Хајдук ги одржува шансите за титулата, моментно е на второто место со 55 бодови, еден помалку од водечката Риека.