Во овој период фудбалските клубови ја темпираат формата за вториот дел од сезоната, така и моментно водечкиот во хрватскиот шампионат, Хајдук Сплит.

Денеска во пријателски натпревар играчите на тренерот Мислав Кароглан со конечен резултат 5:2 триумфираа над МОЛ Фехервар од Унгарија. По договор на двете екипи овој меч се играше со четири полувремиња од по 30 минути.

МОЛ Фехервар водеше од 20 минута со голот на Шабо, израмни Хајдук преку Ливаја четири минути подоцна.

Муфи во 55 минута донесе предност за Хрватите, а во 80 минута за 3:1 се погрижи Калиниќ.

Во 88 минута МОЛ Фехервар постигна уште еден гол, дело на Симут, во 104 минута македонскиот репрезентативец Александар Трајковски придонесе во победата со прекрасен гол директно од корнер, а конечниот епилог го постави Дурдов во 119 минута.