Возбудлива завршница нè очекува во хрватското фудбалско првенство, откако Хајдук со победа од 2-1 над директниот конкурент Риека ја задржа шансата за освојување на шампионската титула. Во последното коло дури три екипи, Динамо Загреб, Риека и Хајдук ќе влезат со реални шанси да се искачат на врвот.

Сплитскиот клуб денеска славеше во дербито на „Полјуд“, отворајќи со гол од пенал на Марко Ливаја уште во 12. минута. Гостите од Риека успеаја да израмнат преку Чоп во 73. минута, но само четири минути подоцна, македонскиот интернационалец Александар Трајковски ја донесе победата на Хајдук со прекрасен удар со глава, само четири минути по неговото влегување во игра.

Херојската партија на Трајковски ги одржа надежите на Хајдук живи. Сплитскиот тим сега имаат 60 бодa, два помалку од водечките Динамо и Риека, и ќе се надеваат на нивни кикс во последното коло за да стигнат до титулата.

Во последната рунда, Хајдук ќе гостува кај Шибеник, Риека ќе го пречека Славен Белупо, а Динамо Загреб ќе игра дома против Вараждин. Сè уште ништо не е решено – последното коло ветува драма и неизвесност до самиот крај.

𝗧𝗿𝗮𝗷𝗸𝗼𝘃𝘀𝗸𝗶 𝘇𝗮𝗸𝘂𝗰𝗮𝗼 𝘇𝗮 𝗽𝗼𝗯𝗷𝗲𝗱𝘂! Gol za 2:1 zabio je Aleksandar Trajkovski na ubačaj Ivana Rakitića! Bravo Bijeli! 🔥❤️💙

𝗛𝗗𝗧𝗩 𝗠𝗔𝗫𝘁𝘃https://t.co/HLmC3mLq59 pic.twitter.com/cl0RcMqTGC

— Hajduk Digital TV (@HajdukDigitalTV) May 18, 2025