Вторпат оваа недела Голден Сејт гостуваше во Солт Лејк Сити и по вторпат избраниците на Стив Кер беа подобри од Јута со 140:137.

Најрасположен на паркетот беше Клеј Томпсон кој погоди 35 поени, вклучувајќи ги седумте тројки, а имаше уште шест скока и две асиситенции. Пресудна беше игратата на Вориорс во втората четвртина во која постигнаа 48 поени и на пауза заминаа со 13 разлика.

Јута во финишот се доближи на само еден поен негатива, сепак не успеа да го комплетира пресвртот. Одлична поддршка за Томпсон беше Грин со 23 поени, Кари стигна до дабл-дабл од 16 поени и 10 асистенции, додека Секстон во редовите на поразените беше најефикасниот со 35 поени, Џорџ додаде 33, додека Марканен оствари дабл-дабл со 20 поени и 14 скока.

Лидер на паузата за Ол-старот ќе биде Минесота која изминатата вечер славеше на гости кај Портланд со 128:91 и сега е на две победи повеќе од Оклахома на втората позиција.

НБА РЕЗУЛТАТИ:

Мемфис – Милвоки 113-110

Јута – Голден Стејт 137-140

Портланд – Минесота 91-128