Македонскиот репрезентативец Ти Џеј Шортс имаше одлична сезона во ФИБА Лигата на шампионите, со Телеком Баскетс Бон успеа да ја освои титулата и воедно е прогласен за најкорисен играч (МВП) во клупското натпреварување.

Во финалето составот на Телеком Бон на завршниот турнир во Малага го совлада Хапоел Ерусалим со 77:70.

За германската екипа блескаше нашиот плејмејкер кој беше прв стрелец на натпреварот со 29 поени, еден скок и три асистенции за скоро 28 минути игра на паркетот.

Кај Израелците, предводени од екс македонскиот селектор Александар Џикиќ, Американецот Леви Рендолф се истакна со 27 поени, шест скока и две асистенции.

Во мечот за третото место, во шпанскиот дуел Тенерифе со 84:79 триумфираше над Уникаха.