Пред еден час на Советот на општина Кочани се случи голем инцидент во кој е повредена Ана Кралева, вработена во општина Кочани. Градоначалникот на општина Кочани Венко Крстевски за „Слободен печат“ вели дека инцидентот се развил зашто советниците најнапред меѓусебно се навредувале. Ова се случувало додека на дневен ред била точката да се воспостави меѓуопштинска соработка меѓу Кочани и Струмица за да обезбедат инспектори за заловување кучиња.  Во еден момент, шише со голема брзина заврши во главата на вработената во општината, по што таа се струполи на подот и советниците ѝ притрчаа на помош.