ВИДЕО| Студентите објавија фотографии од повредени колеги и граѓани по синоќешните судири со полицијата пред Филозофскиот факултет во Нови Сад
Студентите во блокадата на Природно-математичкиот факултет во Нови Сад објавија на социјалните мрежи застрашувачки фотографии од нивните колеги и граѓани кои беа повредени синоќа од припадници на полицијата и жандармеријата во судирите пред Филозофскиот факултет, пренесува Нова.рс
Препорачано
Граѓани, студенти и полиција во полна опрема за разбивање на демонстрациите се судрија синоќа пред Филозофскиот факултет во Нови Сад.
Платото пред факултетот беше целосно окупирано од полицијата. Се пукаше со пиротехнички средства, се прскаше со бибер спреј и се туркаше влезот на универзитетот.
Полицијата, како што наведува Нова.рс демонстрирала бруталност врз академиците кои се собраа пред факултетот за да му кажат на деканот Миливој Алановиќ, кој е веќе трет ден во зградата, дека блокадата сè уште трае, и дека бараат тој да им дозволи да влезат во зградата, што тој го одбил.
Потоа полицијата почна да ја потиснува толпата, а беше употребен и бибер спреј. Во таа прилика беа повредени неколку студенти, професори и граѓани, а едно лице беше погодено во главата со пиротехнички средства, поради што го изгуби слухот, наведува Нова.рс.
Policija je gađala nepoznatim pirotehničkim sredstvima. Povređeni ne čuje i prevezen je do hitne pomoći. Na drugoj slici je njegov kačket uništen eskplozijom. pic.twitter.com/xgQR40LwOW
— Blokada PMF Novi Sad (@blokadapmf) August 27, 2025
Студентите во блокадата на Филозофскиот факултет во Нови Сад го обвинија деканот на тој факултет, Миливоје Алановиќ, дека е директно одговорен за конфликтот меѓу полицијата и студентите и граѓаните.
Деканот Алановиќ, кој не сакаше да ја повлече полицијата и да им дозволи на студентите да влезат во универзитетот, е директно одговорен за конфликтот меѓу студентите и граѓаните со полицијата, наведоа студентите во соопштение на социјалните мрежи.
Evo kako Milivoj Alanović “brani svoju bezbednost”… pic.twitter.com/khIwoHgvrg
— Blokada FFUNS (@BlokadaFFUNS) August 27, 2025
„Звучни топови и солзавец кон студентите и колегите. Миливоје Алановиќ, дали е ова твојот дијалог? Имаш ли достоинство“, напишаа студентите, пренесува Нова.рс.
