За период од шест дена во само три настапи македонскиот фудбалер Лука Станковски го постигна и вториот гол за НД Горица каде игра како позајмица од турскиот клуб Газиантеп.

Во рамките од 26 коло во најквалитетната фудбалска лига на Словенија составот на НД Горица дома ремизираше со Мура (1:1).

Нашиот интернационалец му донесе предност на својот тим 53 минута, а гостите дојдоа до бод во 80 минута преку Морис.

На табеата НД Горица е на осмата позиција со 19 бодови и засега е во безбедната зона за останување во елитата.

Во следното коло на 16 март НД Горица ќе му гостува на моментно последнопласираниот во првенството, Табор Сезана.