Српската пејачка Теа Таировиќ предизвика бура негативни реакции на социјалните мрежи откако се појави видео од нејзин настап во Благоевград, Бугарија.

Имено, пејачката го измени текстот на нашата народна песна „Македонско девојче“ и на сет глас пееше „нема поубаво девојче од Бугарче“, а истото го сведочи видеото кое се појави на социјалните мрежи.

Пак рокајте ја теа теирович ссмо не заборавајте да ја плукнете во фацс следен пат кога ќе дојде во Македонија.
Смрдла гнасна. pic.twitter.com/1YgdF0ZztT

— Петар (@PetarZz) January 30, 2022

Видеото ја разгневни македонската публика по што следеа бројни критики упатени кон пејачката, а некои отидоа до таму што предложуваат да ѝ се забрани влез во нашата земја.

 

View this post on Instagram

 

A post shared by Tea Tairović (@tea_tairovic)

По случувањата, Таировиќ која има свои обожаватели во Македонија се огласи на својот инстаграм-профил со цел да ја разреши ситуацијата.

„Ова е песна кога се вика „Македонија“ и која ќе се најде на албумот кој треба да излезе во април оваа година.  Песната ја напиша татко ми и тоа беше песна со која сакав и сè уште сакам да ви оддадам почит и благодарност за сета љубов што ја имам од вас“, го започна обраќањето таа.

 

View this post on Instagram

 

A post shared by Tea Tairović (@tea_tairovic)

„Вчера ја пеев песната „Македонско девојче“ во Бугарија во Благоевград. На мојот настап имаше и Бугари и Македонци и на крајот на самата песна тоа што го променив текстот значеше само љубов, едноставно искажување почин и кон едните и кон другите. Ако сакате попрецизно, тој дел од текстот ѝ го пеев на една преубава девојка која беше во публика. Не ме интересираат политичките случувања во ничија земја, ниту во вашата, ниту во мојата. Јас сум позната по тоа што ги спојувам луѓето, ширам љубов низ песните и тоа така и ќе остане“, кажа таа.