Барселона и Атлетико Мадрид вечерва го одиграа првиот натпревар од Купот на Шпанија и тоа беше вистински спектакл во кој видовме осум гола, а на крајот немаше победник (4:4).

Фуриозно започнаа гостите и по пет минути веќе имаа водство од 0:2. Прво Хулијан Алварез ја погоди мрежата на Барселона за 0:1 по 50 секунди игра, додека Гризман во петтата минута се погрижи за 0:2.

Барселона како да започна да игра по тие примени два гола, па со брзи два гола на Педри и Кубарси во 19. и 21. минута успеа да израмни на 2:2. Направија избраниците на Флик и пресврт до крајот на првиот гол и тоа со голот на Иниго Мартинез.

Со возбудлива игра и шанси на двете страни се продолжи и во второто полувреме. Левандовски на 15-тина минути се погрижи за 4:2, но и тој гол не го откажа Атлетико.  Љоренте во 83. минута намали на 4:3, а конечниот резултат го постави Сорлот во последните моменти од средбата.

Патникот во финалето од ова полуфинале ќе се решава на реваншот во Мадрид кој е закажан за 2 април.