Вечерва се емитува четвртата епизода од поткастот на „Слободен печат“. Наш денешен гостин е младиот тату уметник, Дамјан Клинчаров, кој во последниве неколку години се занимава со тетовирање. Тој раскажува за најинтересните приказни со клиенти, неговите почетоци во тетовирањето, предрасудите и подемот на уличната уметност во Скопје.

Од скромен почеток во една гарсониера, со текот на времето тој ја усовршил оваа техника, и од хоби, тетовирањето му станало работа. Тој сега е дел од тимот на „Индиго тату студио“, кои веќе неколку години се меѓу најпознатите вакви студија во главниот град.

Дамјан е дел од тимот на неколку млади уметници кои љубовта за тетовирањето ја добиле на сличен начин. Тој ни раскажува за соработката и конкуренцијата со другите студија за тетовирање во главниот град, искуствата со кои се стекнал во последниве години и работата за време на пандемијата.

Целиот разговор може да го проследите на линкот во продолжение: